Prosesu Cig

Dysgu am dechnolegau newydd a sefydledig ar gyfer prosesu a datblygu cynnyrch cig

Mae cig a chynhyrchion cig yn gwneud cyfraniad pwysig i gymeriant maetholion yn y diet. Gyda thueddiadau’r farchnad gystadleuol yn y sector cig a galw cynyddol am gig oen a chig eidion Cymreig y tu allan i’r DU, yn ogystal â sector cig gwyn sy’n tyfu; mae diwydiant cig Cymru yn edrych yn barhaus am ddulliau arloesol ac effeithlon i sicrhau twf cynaliadwy.
Mae’r modiwl hwn yn canolbwyntio ar wahanol agweddau ar brosesu cig ar gyfer cynhyrchu cig a chynhyrchion cig diogel, iach a maethlon. Darganfyddwch pa mor briodol y gall technegau prosesu cig fod o fudd i’ch busnes.
Mae’r modiwl hwn wedi’i anelu at broseswyr cig, manwerthwyr bach neu fawr, neu unrhyw un sydd am ddechrau busnes newydd yn y sector cig.

Cynnwys

Bydd y cwrs yn cynnwys cyfres o ddarlithoedd a sesiynau dysgu dan arweiniad, gan ganolbwyntio ar y meysydd isod:

Rhestr o'r Unedau

Cyflwyniad i brosesu cig	Mathau a chategorïau o gig, cyfansoddiad carcasau, bioleg ac adeiledd cyhyrau a nodweddion cyhyrau, prosesu cig diwydiannol
Prosesu cynradd ar gig coch	Prosesau'r lladd, newidiadau biocemegol ar ôl marw a'u harwyddocâd i ansawdd y cig coch, graddio'r carcasau, a chloriannu ansawdd y cig
Prosesu cynradd ar ddofednod	Prosesu cynradd ar gig dofednod, newidiadau biocemegol ar ôl marw a'u harwyddocâd ar ansawdd y cig gwyn, graddio'r carcasau, a chloriannu ansawdd y cig
Diogelwch microbiolegol, ansawdd ac estyn oes silff cigoedd ffres	Microbioleg a dirywiad cig, egwyddorion cadw cig
Technoleg newydd ym mhrosesu cig	Dulliau newydd o dyneru cig, awtomeiddio a robotiaid
Cig iach	Cig fel bwyd gweithredol, cynnyrch probiotig, technegau ail-fformiwleiddio
Datblygu cynnyrch cig	Y cynhwysion a ddefnyddir, mathau o gynnyrch cig
Cynaliadwyedd cig	Rôl gwyddoniaeth cig mewn amgylchedd byd-eang heriol
Bydd y modiwl hwn hefyd yn cynnwys ymweliad â Chanolfan Bwyd Cymru, Horeb (neu leoliad tebyg) i roi profiad ymarferol o gigyddiaeth a datblygu cynnyrch cig

Tiwtoriaid

Enw Tiwtoriaid
Dr Shikha Ojha